بۆسکێتس: تەمەننا دەکەم بەرشلۆنە وەک ئیسپانیا بێت!! بزانە بۆچی؟؟

سێرجیۆ بۆسکێتسی ئەستێرەی هێڵی ناوەڕاستی یانەی بەرشلۆنە و هەڵبژاردەی ئیسپانیا تەمەننای ئەوە دەکات ئاستی یانەکەی وەک ماتادۆرەکانی لێبێت.

لەلێدوانێکیدا بۆ رۆژنامەی مۆندۆ دیپۆرتیڤۆی ئیسپانی بۆسکێتس وتوویەتی "هەڵبژاردەی ئیسپانیا بەرانبەر هەڵبژادرەی ئیتاڵیا ئاستێکی بەرزی پێشکەشکرد و نموونەیی بوو، هیوادارم ریزەکانی بەرشلۆنەش بەو شێوازی یاریکردنە بەردەوامی بە کێبڕکێکان بدەن".

لە بەشێکی قسەکانیدا ناوبراو باسی لەوە کردووە کە ئێستا ئیسپانیا بیرۆکەیەکی یاریی بە کۆمەڵی گەڵاڵە کردووە کلیلی سەرکەوتنەکانیەتی، متمانەم بە یانەی بەرشلۆنەش هەیە کە خاوەنی کۆمەڵێك یاریزانی ئاستبەرزەو دەتوانێت بە هەمان شێوازی لارۆخا یاریی بکات.

لەکۆتایی قسەکانیدا بۆسکێتس ستایشی تواناکانی پاولینیۆی بەرازیلی و یاریزانی نوێی یانەکەیانی کرد و رایگەیاند دەتوانێت بەدرێسی یانە کەتولۆنییەکەوە کاری زۆر گەورە بکات، چونکە یاریزانێکی زۆر لێهاتووە.